عاوز أنسى ...مقهور ..مهموم .. حزين .. خايف ..... والله هنا

عاوز أنسى ...مقهور ..مهموم .. حزين .. خايف ..... والله هنا أجمل حل
السلام عليكم ورحمة الله وبركاته

إذيكم يشباب .. عاملين إيه ؟

يارب تكونوا بخير إن شاء الله خير خير

موضوعي اليوم لزيز جداً على فكرة ... وبعد متقرأه كويس اووي .... أكيد حتتخلص من جميع همومك واحزانك و مشاكلك..

أنا يمكن أكتر شوية في الموضوع في الكتابة يعني .. لكن أهم حاجة أوصلكم وجهة نظرى وإحساسي بنفس الوقت ..

دلوقتى .. موضوعنا عن إذااي نحل همومنا أو حزننا أو قهرنا .. لازم تكمل الموضوع ...

دلوقتى طيب روح هات ورقة وقلم بسرعة وعلبة الكبريت من درج المطبخ ..أوعة مامتك تشوفك ..

أنا مستني اهو ... يلا روح بقى

متكسلش .. إنجز

يوووووه حيفضل يقول خلص ياعم مش لازم .... لا لازم

خلاص انت حر ....

المهم اللى جاب ورقة وقلم وعلبة الكبريت..بس

أكتب بقى كل اللى مزعلك وكل همومك و حتى لو انت زعلان من حبيب سابك يعيني قلبي معاك

أكتبها كلها ومتضحكش على نفسك ..لازم تكتب أكنك بتكلم واحد صحبك اووي اووي

أكتب وبدون كسوف نهائي .. أكتب كل حاجة كل حاجة ومتتكسفش من اللى انت بتكتبه لأن محدش حيشوفه غيرك انت بس وربنا طبعاً

أكتب وأكتب ولو استمرت العملية ديه معاك ايام وليالي..أهم حاجة تكتب ومتقراش اللى انت كتبته خالص مالص ... خلاص خلصت من الكتابة خلصت من كتابة أحزانك وحبيبك اللى باعك خلصت من كل دة ؟؟؟؟

خلاص جه دور علبة الكبريت بقى

بدون تردد نهائي نهائي نهائي .. إحرق الورقة (( الله يحرقها )) اللى فيها كل المشاكل اللى موديانا في داهية

خلاص حتتحول الورقة لرماد ,,, وطبعاً معها همومك ومشاكلك .. خلاص بقى همومك بقت رماد .. حبيبك اللى باعك أصبح رماد حتى لو شفته قدامك ... خلاص بقى رماد

وأهم حاجة إنك تقتنع إن همومك يباشا بقت رماد فعلاً فعلاً

وعلى فكرة التجربة ديه نجحت مع كتير اووي بشهادات خبراء

والنتيجة حتيجي بعد مرور الوقت ,,,

وأن تستعين بالله فهو قادر على كل شيء

وخلاص خلصت كلامي ...

الموضوع دة أنا قرأت عنه في كتب ..حل المشاكل وفعلاً الموضوع ناجح بنسبة 91%

الموضوع مكتوب بإيدي وتحياتي لكم :::: محمد صلاح

ياريت اللى ينقل الموضوع يذكر مكانه الأصلي ... عندنا يعني

ويلا يشباب فوتكوا بعافية ... سلام عليكم

[size=24]موضوع جميل ياعلى

جزاك الله خيرا ياعلى
بارك الله فيك
اللهم تقبل صلاتنا وصيامنا وققيامنا
وركوعنا وسجودنا[/size]

» والله لو تعلمون ماعلم لضحكتم قليلا ولابكيتم كثيرا------